البنات وما ادراك ما البنات.. لو مدحتها تقول عليك كداب ولو طنشت مكياجها ولبسها تقول انك "ياى" مش مقدر جمالها..لو وافقتها على كل حاجة تقول انك ماعندكش شخصية ولو ما وافقتش تقول انك غلس وعايز تقهر ارادتها وتتحكم فى كل حاجة!لو مارحتش تزورها وانتو مخطوبين كل يومين ثلاثة تقول انك غير مبال ولو زرتها كل يومين تقول مدلوق عليها!
لو كنت مهتم بمظرهك وشياكتك تقول عليك عينك زايغة وبتعرف بنات غيرها ولو كنت بتلبس من الوكالة تبقى راجل يحرق الاعصاب ...لو كنت غيور قوى تبقى متوحش ولو ما ظهرتش ليها غيرتك تبقى مش بتحبها!
لو اتأخرت عليها دقيقة تشتكى وتتذمر ولو اتاخرت عليك ساعة عادى انت عارف المكياج والكوافير وخلافه!لو بصيت على واحدة تبقى بتغازلها وعينك زايغة ولو راجل بص عليها يبقى معجب! لو اتكلمت تقولك عايزة اسمع ولو سمعت تقولك عايزة اتكلم!...
بسيطة لدرجة التعقيد ضعيفة بقوة متناقضة ومنطقية مجنونة بعقل تجعل الف عقل يحاول يفك طلاسم عشقها..هى هى البنات مش هاتتغير..تحلف وتقول بعلو حسك العيشة معاها لا تطاق وتلاقى نفسك زى الميت من غيرها ..
يبقى من الاخر استحمل يا معلم !
واسئل مجرب...........
